Google ADS

‘Fanatik’: Rashica edhe një vit te Galatasaray

19:48 | 13 Prill 2023
K.B

Ylli i Kombëtares së Kosovës, Milot Rashica raportohet se edhe një vit do të qëndrojë tek gjiganti turk, Galatasaray.

Rashica, i cili po luan në formë huazimi të Gallata nga Norwich City, është duke bërë një sezon të madh me skuadrën turke dhe është në rrugë të mirë që me Gallatën ta fitojë titullin e kampionit në Turqi.

Medium turk ‘Fanatik, të enjten shkruan se Galatasaray dhe Norwich kanë arritur marrëveshje që 26 vjeçari të vesh fanellën e skuadrës turke edhe për një vit.

Javët në vazhdim do të vendoset përfundimisht nëse Norwich do ta shesë kartonin e kosovarit, apo do t’ia japë Galatasarayt huazim edhe për një vit.

Kartoni i Rashicës kap shifrën 10 milionë euro./rtk

Shpërndaje në rrjete sociale

Lajmet më të lexuara

Të ngjashme

Foto lajm